繼續古古力！朱古力唧花曲奇

個間Jxnny Cookies，日日都排左好多強國人，
一開門就俾人搶晒，好誇張！
以前我都幾鍾意食，但係而家就唔會買，
一來愈賣愈貴，二來自己都整到既，使乜買！
另外仲可以整到佢冇既味道，朱古力味！正！

我是朱古力怪~ 朱古力布朗尼 (chocolate brownies)

朱古力既魔力，真係不能抗拒！
愈濃既朱古力我就愈喜愛，最怕只有甜味既白朱古力。
朱古力加上合桃，合桃既可以增加口感及香味，亦可以中和朱古力既甜膩！
呢個朱古力布朗尼非常易做，好少失敗的，大家不妨試試！

你個粉皮!! 雞絲粉皮

粉皮粉皮，點解而家d人鬧人要用粉皮呢個字呢？
佢外形似河粉，但比河粉爽口，
因為佢係綠豆做，佢冇味道既，
所以要靠汁料令佢變成一個好好食既頭盤～
出面街外食，幾十蚊只有一小碟，
係屋企整，廿蚊就有一大碟！！

蠔情夜~ 薑蔥炒蠔

蠔~ 有人喜歡，有人憎～
喜歡既人好似我，好鍾意佢個種鮮味；
討厭既人，好憎佢陣戥味！
我同老公係蠔癡兩名好鍾意食蠔，
不論生蠔，焗蠔，炒蠔，打邊爐都要落蠔！

骨頭愛好者~ 香煎三文魚骨腩

好多老一輩既人都好鍾意食好多骨既魚頭、魚腩，
仲會話我地唔識食，唔識失賞～
當然啖啖肉梗係好啦，
其實看似冇咩肉既魚骨腩，
只要煎得香口，加埋好味既汁都可以變得好好味～
超市成日做特價，又容易做，又平又抵食！

哈哈哈哈~ 蒜香茄汁煎大蝦

呢排May姐既「哈哈哈哈哈哈哈哈....」成為各人既佳話，
個個都討論既佢節目中既雞汁，加埋佢既笑聲，
係確實難頂，不過我諗佢都係因為有贊助商，所以迫住用既～
佢D笑聲就令我反而令我諗起「蝦蝦蝦蝦蝦蝦～」
我真係好鍾意食蝦，又鮮味，又啖啖肉！

牛魔王~ 日式牛肉飯

呢2日吉X家既牛肉飯做緊12蚊，
慳家既師奶亞叔亞嬸個個排隊去食，
有人一次食2碗，飽到連晚飯都唔使食～
其實自己做日式牛肉飯都唔係好貴架，
而且仲好簡單添！