你個粉皮!! 雞絲粉皮

粉皮粉皮，點解而家d人鬧人要用粉皮呢個字呢？
佢外形似河粉，但比河粉爽口，
因為佢係綠豆做，佢冇味道既，
所以要靠汁料令佢變成一個好好食既頭盤～
出面街外食，幾十蚊只有一小碟，
係屋企整，廿蚊就有一大碟！！

蠔情夜~ 薑蔥炒蠔

蠔~ 有人喜歡，有人憎～
喜歡既人好似我，好鍾意佢個種鮮味；
討厭既人，好憎佢陣戥味！
我同老公係蠔癡兩名好鍾意食蠔，
不論生蠔，焗蠔，炒蠔，打邊爐都要落蠔！

骨頭愛好者~ 香煎三文魚骨腩

好多老一輩既人都好鍾意食好多骨既魚頭、魚腩，
仲會話我地唔識食，唔識失賞～
當然啖啖肉梗係好啦，
其實看似冇咩肉既魚骨腩，
只要煎得香口，加埋好味既汁都可以變得好好味～
超市成日做特價，又容易做，又平又抵食！

哈哈哈哈~ 蒜香茄汁煎大蝦

呢排May姐既「哈哈哈哈哈哈哈哈....」成為各人既佳話，
個個都討論既佢節目中既雞汁，加埋佢既笑聲，
係確實難頂，不過我諗佢都係因為有贊助商，所以迫住用既～
佢D笑聲就令我反而令我諗起「蝦蝦蝦蝦蝦蝦～」
我真係好鍾意食蝦，又鮮味，又啖啖肉！

牛魔王~ 日式牛肉飯

呢2日吉X家既牛肉飯做緊12蚊，
慳家既師奶亞叔亞嬸個個排隊去食，
有人一次食2碗，飽到連晚飯都唔使食～
其實自己做日式牛肉飯都唔係好貴架，
而且仲好簡單添！

養顏補身gogogo!!! 杞子圓肉桂花糕

一提起養顏，個個女仔都趨之若騖，

杞子圓肉桂花糕可以話係一舉兩得，

既可以養顏，又可以食到絲絲清甜～

杞子功效：滋補肝腎，益精明目

圓肉功效：有補心，補血，補益脾臟，能安心神，改善思慮勞傷

桂花功效：止咳化痰，养生潤肺，美白皮膚，解除體内毒素

清新醒胃~ 涼拌海蜇

相信大家都食過酒樓既燒味拼盤，
小朋友一定會搶住要食拼盤上既「橡根」，
呢d橡根就係海蜇啦！
其實海蜇即係食得既水母，
半透明，充滿骨膠原，質地彈彈，沒有味道的，
但係加上酸酸既汁，
入口爽滑，非常醒胃，係一個好好既前菜！

秋風起~ 梅菜肉絲煲仔飯

每逢秋冬天來臨，就會想食煲仔飯， 
熱辣辣，香噴噴，食左成身都暖晒～
其實我自己成日整煲仔飯做午餐，
因為簡單易做，岩晒懶人既我～
而且自己做既煲仔飯比起街外既健康得多，
出面食既煲仔飯雖然有香香既飯焦，
但係多數都油淋淋，脂肪極高，小食為妙！

滑滑溜~~ 焦糖布丁(免焗)

布丁~ 會聯想起震騰騰，滑滑溜~

香濃雞蛋味加上焦糖，諗起都想食，

出街買一小樽仔要成起碼廿蚊，

畢竟香港租金貴人工高！

其實做焦糖布丁既成本不高，

而且可以保証新鮮製造，

不加人工添加成份！

，只需簡單部驟，輕鬆做出你的焦糖布丁！

第一篇的入廚快樂分享 - 蝴蝶酥

第一篇的入廚快樂分享  -  蝴蝶酥

由小到大, 我就鍾意入廚房跟住媽咪,
又會問東問西, 從中學到不少既廚藝知識~
而且記得讀小學既時候, 就好鍾意睇烹飪節目,
特別係《YAN CAN COOK》!!
雖然只係小學生, 有D英文都唔係好明, 
但係佢用有趣既手法去教烹飪, 真係好吸引到我!!

到大個左, 開始就由煮中菜到學整餅, 
整餅工具都愈買愈多, 由初初成日失敗, 
唔憤氣既性格, 令我一次又一次再整, 整到成功為止!!

今日同大家分享下好簡單易整既蝴蝶酥~
出爐個下, 成屋香氣, 老公好快同我清晒......肥死你呀! 哼~~